89. Saioa: HAURTZA(u)RO(s)KO ARGAZKIAK

 

Arestian iragarri bezala gaurko saioan gure haurtzaroa izan dugu protagonista. Hamabost bat lagunek txikitako argazkiak ekarri ditugu eta “nor da nor” asmatzen lehiatu izan gara. Dibertigarria eta zaila ere izan da jarduna, eta askotxok, txiripaz edo, bakanen bat asmatzeko besterik ez gara gai izan. Aitzitik, beste batzuek, lehiaketan irabazle gertatu direnek bederatzi asmatu dituzte, Ionkar, Falu eta Ainara bejondeizuela!! 

Jolasa eta gero hitzaspertua egiteko tartea etorri da. Partaide asko bildu gara eta talde txikietan egin izan dugu bigarren parte hau. Nork bere ume garaiko pasadizu, oroitzapen edo zernahi ere elkarri kontatzen eman diogu saioari segida. Horrela pare bat aldiz. Azkenean, argazkien bilakaerari heldu diogu, alegia, lehengo eta oraingo argazkiak konparatuz aspaldiko oroimen zaharra biziberritzeko parada izan dugu. Argazkiak paperean zirela... egun berezietan soilik ateratzen zirela; ezkontzak, jaunartzeak... ondo ala txarto aterata ere aukeraku ezina...

Egun berezi bat

GURE ANI-ren URTEBETETZEA (2021-01-20)

Beatriz P., Beatriz E., Valeria, Maider, Ionkar, Oier, Javier, Ainara, Bego, Andrea, Marije, Sara, eta Luis.

Gaurko saioa berezia izan da. Gaur ez da asteartea, ezta larunbata ere, gaur asteazkena da, eguaztena. Orduan? Ez, ez gara erratu, gaur egun berezia da, gaur Ani gure taldekidearen urtebetetzea da eta ezusteko bat prestatu diogu zoriontzeko. Hamahiru lagun elkartu gara berarekin eta zelan edo halan, abestu diogu “ZORIONAK ZURI”.

Zuhaitz osasuntsu eta eder batek sustrai ederrak eta osasuntsuak dituen bezala, gure taldeak ere aurrera egiteko, sustraiak eta erpe onak behar ditu. Sustrai lodienak zein erpe meheenak dira beharrezkoak. Ez dira ikusten baina hor daude, lan eta lan, elikadura lortzen, zuhaitza haizeak bota ez egiteko, lurrari eusten. Hau da gure ANI, hasierako sustrai lodi hori, talde honen lehenengoetariko sustraia. 

Sustrai nagusi hortatik sortu dira taldekideok eratzen ditugun erpeak, albo-sustraiak. Eta guztion artean eutsiko diogu zuhaitz eder honi, guztiok lagunduko diogu gure zuhaitz honi hasten, loratzen eta fruitu ugari eta ederrak eman ditzan GURE JALGI HADI MUNDURAk.

Hau da, ANI, zure urtebetetzean egiten dizugun oparia:

EKINGO DIOGU! JARRAITUKO DUGU! SORTUKO DIRA ZUHAITZ HONEN ADAXKA BERRIAK!

ZORIONAK ETA URTE ASKOTARAKO!

Ainarak berak sortutako bertso hauek eskaini zizkion. Ederrak!!!!

Egilea: Luis Urdaibai