2022(e)ko abuztuakren 28(a), igandea

Gure liburua

 Jalgi Hadi Mundura elkarte birtualaren bigarren urteurrena dela eta, taldeko lagunoi liburu bat ateratzea otu zitzaigun. Liburuk "Hitzetatik harago"  izena du, eta kaleratu dadin irrikan gaude. 

Liburuaren azalean Asisko Urmenetaren ilustrazioa agertuko da, eta kontrazalean Alfredo Laborderena. Barruan, Mintzaneteko proiektuaren arduradunak, Ritxi Lizartzak, hitzaurrean, elkartearen berri ematen du, lehenik. Orrietan barrena, hogeita hamahiru taldeko partaideen hitzak eta, hitz horiek euskararekin lotzearen arrazoia irakurriko dugu. Hitz bakoitzari Txaro Diezek eta Andrea Bellak eginiko marrazkiak aurkituko ditugu.  

Hitzak izateaz gain, hitz horiekin sortutako bertsoak azalduko dira liburuan, Jalgi Hadi Mundura bertsozaleen taldean egindakoak (Anik, Todorrek, Oierrek, Andreak eta Andonik)Azkenik, liburuari amaiera emateko, Ainara Maiak eginiko gibel solasa izango dugu.

Gainera, Youtuben, taldeko kanalean, hitzak eta bertsoak entzuteko aukera izango dituzue, Javier Amadozek egina. 



Andrea Uruguai

Buenos Airesen elkarrekin

 

Uztailaren bukaeran, Mintzanet eta Jalgi Hadi Mundura taldeetako lagun batzuk, Buenos Airesen elkartu ginen. Izan ere, uztailaren 16an, haietako batzuek neguko barnetegia izan zuten, eta besteok azterketa egitera joan ginen.

Ikasleak aste osoan jo ta ke ikasten aritu ziren eta, ohikoa den bezala, euskaraz bizitzeko denbora izan zuten. Asteburuan, beste lagun batzuok talde horrekin batu ginen, azterketak egiteko. Egunak giro atseginean igaro ziren, eta urduritasuna nagusi izan arren, aurrera egin genuen.

Mintzanet eta Jalgi Hadi Mundura taldeetako partaideek, elkarrekin egoteko aukera izan genuen.

Igandean, azken bazkaria izan ondoren, Laurak Bat euskal etxean, elkarri agur esan genion, hurrengo baten, beste barnetegi baten, topo egiteko asmoz.



Andrea Uruguai

2022(e)ko uztailakren 4(a), astelehena

HENDAIAKO 2022ko MINTZA EGUNA.

Kaixo.

Ekainaren 5ean, Mintza eguna ospatzera Hendaiara joan nintzen. Nire lehengo aldia izan zen. Antolaketa oso ondo egon zen. Nire txakurra eroateko aukera eskertu nuen, baita  menu ezberdinak egon zirela, haien artean beganoa. Normalean, Txakurra badaukazu ez dago aukerarik halako lekuetara joatea ezta belarjalea bazara.

Heldu ginenean gure zenbakia hartu genuen eta abesbatza bat entzun genuen. Hendaiari buruzko hitzaldi historiko bat entzun genuen. Gero, Hendaiatik bueltatxo bat eman genuen eta bertso eskolako hiru gazteengandik bertso batzuk entzun genituen. Zoritxarrez, guk ez genuen txutxu trenean bidaiatxoa egiteko aukerarik izan.  Bazkaria ia amaituta zegoenean, postreetan, atzerrian edo Hendaiara hurbildu ezin ziren pertsona batzuekin onlinez elkartu ginen mintza praktika egiteko. Beraien artean, Andrea eta Sara zeuden. Jaia erromeria batekin amaitu zen eta bakoitza bere etxera joan zen. Keinuen hizkuntzako itzultzailea egotea adierazgarria izan zen

 Esperientzia ona izan eta zegoen giroa ere ona izan zen. Espero dut datorren urtean berriro parte hartzea.

 

Kike Amonarriz, Topaguneko nagusia, bere berbaldia botatzen. Keinuen hizkuntzen itzultzailea ere egon zen

 

Txistulariak.

Abesbatza


Bertsolariak


FalĂș elkarrizketatua.


Aperitifak edo janaurrekoak.



Historiazalea bere berbaldia botatzen.


Behatoki polita. Hondarribia aurrean.


Txutxu trenean Hendaian zehar. Gure taldeak ezin izan zuen honetaz gozatu.



Taldeko partaideak. Javier, Ainara, FalĂș, Oier, Lurra nire txakura eta seiok


Bazkaltzen


Bideodeiean. Gure taldetik Sarak eta Andreak parte hartu zuten.


 

Andrea bideodeian



Erromerian, Imuntxo eta Belokiren taldearekin.
 


Erromerian, dantzaldia..

 

 Basauriko Mikel Deunako Estitxu.

2022(e)ko apirilakren 4(a), astelehena

2. Urteurrena


 Jalgi Hadi Mundua gure elkartearen bigarren urteurrenaren ospakizuna, apirilaren 3a, Korrikarekin uztartu nahi dugu aurten. Hartara, Korrika 22ren leloa "hitzekin" geure eginez, kide bakoitzak gogokoen duen euskarazko hitz bat hautatu eta testu bat sortu du, hitz hura zergatik aukeratu duen azalduz. 

Gerora, hitz guztiekin "Hitzetatik harago" izenburua izango duen liburuxka argitaratzea da asmoa. Haren azalean Asisko Urmenetak eginiko ilustrazioa agertuko da. Barruan, Mintzaneteko arduraduna den Ritxi Lizartzak, hitzaurrean, elkartearen nondik-norakoak ezagutzera emango ditu lehenik. Orrietan barrena, berriz, bakoitzari dagokion azalpen testuarekin batera hitzak aurkituko ditugu Txaroren eta Andrearen marrazkiez apaindurik. Azkenik, Ainararen eskutik atzehitza edo gibel-solasa . Gainera, hitzekin sortutako testuez eta bertsoen (Ani, Todor, Oier, Andrea eta Andoni) audioez osaturiko CD bat ere erantsita joango da. Azken hau Jabik egingo du. 

Urteurrenaren aitzakian saio berezia burutu genuen apirilaren 3an, igandez, beti bezala EHko 7etan. 


                                                                                                              Andoni Artziniega



2022(e)ko urtarrilakren 11(a), asteartea

MUGARRI DEN EGUNA.

MUGARRI DEN EGUNA.

 

Atzokoa taldearentzat garrantzitsua zen eguna izan zen, nire ustez. Taldekideak, lagunak noski, bata bestearen alboan egoteko aukera izan genuen, pantailatik harago. Gehienak, elkarrekin behin edo bitan egonda, beste batzuk hori ere ez. Hortaz, askorentzat une alaia izan zen. Azken finean, bazkaria elkarrekin egiteko asmoa, aitzakia besterik ez zen.


 Eguraldi petral baten azpian, mahai-lagunak heldu zirenerako, bazkaria ia prest zegoen. Bazkaltzeko entsalada eta bakailaoa izan genuen, baita  parte hartzaile batek ekarritako enpanadak. Dena jan zen. Azkenburukoetan, han agertu ziren tarta  (ohian beltzekoa) eta pastela (euskal pastela), hainbat polboroi eta frutekin. Honek dagoeneko ezin izan genituen amaitu. Gehiegi ziren. Kafea ateratzeko orduan, gure “tabernariak” oso ebaki gozoak egin zituen, baina hurrengo kafeak ateratzeko orduan, ehotzeko makina ez zebilela konturatu ginen. Hortaz, geratzen ziren aukera bakarrak, infusioak edo poltsako kafeinagabeko kafea zen!

Mahaikideak.
 
JALGI HADI MUNDURAko partaideak.

 Giroak gora egiten hasi zen eta, aparatu ezberdinak erabilita, nolabaiteko karaokea burutu zen. Agian, txoko baten paradigmatik urrutien geratzen den ekintza da, baina zinez, denak euskal abestiak izan ziren. Baten bat arrantzaka, gehienak gozo kantatuz, euskal klasikoen nolabaiteko berrikusketa bat burutu genuen.

 

Karaokean.

Gero baten bateri hain ezaguna den taldeko dinamika jokoa burutzea bururatu zitzaion hau da, penduluarena. Batzuk zalantzati, besteak ziur, azkenean denok erdigunetik pasatu ginen.

 

Behin ilundu zuenean, beti gertatzen den bezala, lehenengo lagunak agur esaten hasi ziren, eta nolabait, bazkariaren ekitaldiari amaiera ematen hasi. Azken taldetxoa, Durangora azken zurruta egitera joan ginen. Gero, pena handiz, baina sentipen gozo batekin, bata bestea agurtu genuen, besarkada bero eta estuekin, hurrengoa noiz izan daitekeen galdetuz.

 

Agur lagunak eta hurrengora arte!


Oierrek Zorrontzatik.