HITZETATIK HARAGO gure liburua

 Jalgi Hadi Mundura elkarte birtualaren bigarren urteurrena dela eta, taldeko lagunoi liburu bat ateratzea otu zitzaigun. Liburuak "Hitzetatik harago"  izena du, eta kaleratu dadin irrikan gaude. 

Liburuaren azalean Asisko Urmenetaren ilustrazioa agertuko da, eta kontrazalean Alfredo Laborderena. Barruan, Mintzaneteko proiektuaren arduradunak, Ritxi Lizartzak, hitzaurrean, elkartearen berri ematen du, lehenik. Orrietan barrena, hogeita hamahiru taldeko partaideen hitzak eta, hitz horiek euskararekin lotzearen arrazoia irakurriko dugu. Hitz bakoitzari Txaro Diezek eta Andrea Bellak eginiko marrazkiak aurkituko ditugu.  

Hitzak izateaz gain, hitz horiekin sortutako bertsoak azalduko dira liburuan, Jalgi Hadi Mundura bertsozaleen taldean egindakoak (Anik, Todorrek, Oierrek, Andreak eta Andonik). Azkenik, liburuari amaiera emateko, Ainara Maiak eginiko gibel-solasa izango dugu.

Gainera, Youtuben, taldeko kanalean, hitzak eta bertsoak entzuteko aukera izango dituzue, Javier Amadozek egina. 

. 

Andrea Uruguai

Azken bertso saioa

Abuztuaren 26an, ostegunez, bertsozaleon saioa izan genuen astero lez. Diaspora egunerako litekeen egitasmoa hizpide izan genuen. Besteak beste, ospakizun horren harira Anik sorturiko bertsoak ere. Horretaz gainera, saio hartarako etxeko lan genituen bertsoak kantatu genituen. Ataza zera zen: bertso baten bidez gauza edo pertsonaia baten gainean pistak ematea besteok zer edo nor den asmatu behar genuelarik eta hemen dituzue horiek. Saia zaitezte definizio horiek asmatzen eta iruzkinen atalean idatzi, Animo !!! erraza da eta !!!

 

 

1- Argia egunero,                                                                 2- Uda iritsi eta,

zabaltzen mundura.                                                            badator bidaia.

Bero ematen eta,                                                                    Eskolak itxiteko,

denontzat lilura.                                                                    hauxe da garaia.

Asmatu nahi baduzu,                                                             Kanpoan egotea,

begira zerura.                                                                        hori gure nahia.

Ni nauzu hor zintzilik                                                            Itzultzea zaila da,

nagon izar hura.     (Andrea)                                              ez bada erregaia.

 

3-Itxasoa xurgatuz,                                                       4-Sentimendu hau sarritan dugu,

badoa zerura.                                                               erakarpen lez entzuna.

Gero euria dakar,                                                          Baina behardu, egiaz bada,

berdetuz natura.                                                          ekintzen betekizuna.

Udako beroetan,                                                           Ondo joanez izaten du, bai,

nahi dugu guk hura.                                                     baita ere erantzuna.

Eta eskas denean,                                                          Elkar maitatuz eratzen baita,

badugu ardura.  (Ani)                                                sarritan elkartasuna.  (Ani)

 

5- Paisaia dastatzeko,                                                    6-Garai latzetan agertzen ohi den,

beharrezko gunea.                                                         benetako makulua.

Ezin alperrik galdu,                                                        Talde handian bidaiatzean,

halako unea.                                                                  dagoen estimulua.

Urrun begiratzeko,                                                         Hurkoa denez, beharko luke,

dago abagunea.                                                             ezarria titulua.

Muino gainean dago,                                                      Egiarekin erantzuteko,

erakusgunea. (Oier)                                                  beldur ez den ispilua. (Oier)

7- Higandik jaso dudan guztia,                             Zutik egoten ez banaun/k gauza,

ez dun ez, gauza erkina.                                       hihaiz niretzat behegaina.

Niretzat beti erakusten dun/k,                               Ta bihotzaren negu hotzetan,

borondate bukaezina.                                           hire beroa ordaina.

Behin edo behin jota banagon/k,                           Atsekabean ta nahigabean,

halako giza-hondakina.                                        laguntzen naun/k kentzen mina.

Orduan ere nire alde hago,                                     Aurreko hori ondo irakurri,

txeratsu adiskide fina.                                           ha baita pista bikaina. (Andoni)

Bertsozaleen taldean sortutako azken bertso idatziak eta kantatuak

BERTSO IDATZIAK ETA KANTATUAK

Euskeraren etsaiak,

bazter guztietan.

Ezkutatuta daude,

gordeta, zelatan.

Eurena lehena da,

gurearen kaltetan.

Zerbait egin behar dugu,

aritu benetan.

Zenbakietan ei dago,

hizkuntzen indarra.

Gure irtenbidea,

berba barra-barra.

Gehiago izanez gero,

garaitu aharra.

Auzi hau garaitzeko,

badaukagu garra.                             

 

(Oier)

 ............................................................

 

 

 

 

 

 

 

 

 

 

 

 

 

 

 

 

 

Txertoa ipini behar didate,

nire eguna heldu da.

Astrazeneca, Pfaizer, Moderna,

aukeratzen daukat duda.

Albo efekturik izango ote den,

horixe da nire ardura.

Gihar edo/ta buruko mina,

beheranzko edo kalentura.

Txertoa hartzeko nire,

eguna heldu da.

Astrazeneca, Pfaizer,

Moderna, hau duda!

Albo efektuena,

da nire ardura.

Hango ta horko minak,

edo kalentura.                            

(Andoni)

...................................................

Demoniozko atea,

nork irekiko du?

Inguruan badago,

nori itaundu.

Denok bultzatuz gero,

beharko zabaldu.

Ez deigun behintzat,

horko giltza galdu.

Etor hadi laguna,

horrena egitera.

Gogor bultzatuz gero,

ziur doa behera.

Esaten dudanean,

orain aurrera.

Azkenik lortu dugu,

zabalik sarrera.                       

 

(Oier)

.....................................................................

Amaia hori ezagutzen dut,

oso neskatxa jatorra.

Gogoratzen dut zarrakaztelun,

pasatu nuen oporra.

Nik ere Faluk esan bezala,

uste dut dela azkarra.

Euskararekin maitasuna du,

kemena eta indarra.

Ate aurrean jarri ta gero,

barruan sartzeko gura.

Zer ote dago ate atzean,

buruan daukadan duda.

Pentsati nago horren aurrean,

benetan naiz ikusgura.

Modu batean edo bestean,

sartuko naiz barrenera.

Ate aurrean jarrita,

barruratu gura.

Zer ote da atzean,

buruan dut duda.

Pentsatzen hasi eta,

daukat ikusgura.

Edonola ere ni,

banoa barrura.                    

 

(Andrea)

...............................................................

Asko ikasi urte osoan,

emaitza onak atera.

Uda honetan ez du klaserik,

baina seguru ikastera.

Langile fina gure Amaia,

gainera beti aurrera.

Ikasten badu ez dut dudarik,

gaindituko du esuskara.                       

 

(Falú)   

..............................................................

Guk begiratu dezagun orain,

eraiki dugun mundura.

Gainezka dugu lur eta airean,

sortutako kutsadura.

Hortaz behingoan arduratzeko,

zinez unea heldu da.

Baita neurriak hartzeko ere,

zainduaz denon natura.              

 

(Ani)