![](https://blogger.googleusercontent.com/img/b/R29vZ2xl/AVvXsEguFpg8-OzBc7oh-Z3D79pflMFdGT7XEY3qrXpzntSZ4fhr1OnRq6FPQbXGGpw1xbLDRJSEuNUdssBRvfdlcU-RQDcE05BMEtuCu-OIK3v55cc_FIo1FkcWYBP1jDRj2dKpZsXB7IHDST0/s0/A3_MUTUA-001-212x300.jpg)
ZER EGINGO DUGU? 2018 bukaeran hizkuntza ohituren aldaketan pauso garrantzitsuak eman ziren "Euskaraldia: 11 egun euskaraz" ekimenaren baitan.
HERRITARRAK: AHOBIZI ETA BELARRIPREST
Ahobizi: Euskaraz ulertzen duten guztiekin euskaraz egiten dut uneoro. Kideek euskaraz ulertzen ote duten ez dakidanean lehen hitzak, beti, euskaraz egiten ditut; euskaraz ulertzen badute, euskaraz jarraitzen dut. Batzuetan zaila izan arren, elkarrizketa elebidunetan ere euskarari eusten diot kideek ulertzen dutenean.
![](https://blogger.googleusercontent.com/img/b/R29vZ2xl/AVvXsEixruNckCy8dQ_RQ1CINQxd1fP_WWBTI9NCZG6pC8I4ov0tDzjdi_GM-SnpC5OTIDng3AAy8aDAZ4B2WXKfJpxjC6pYmmiDp9GIaWpWYyZpa2uoGeiGda5_E8J3T05Q_Bb1JtrcPLRlnfY/w257-h257/aa7cb8feba4f01ec4fd143669cc31cb3.png)
Belarriprest: Nire gaitasun eta aukeren arabera erabakitzen dut euskaraz noiz eta norekin egin. Beti ez dut euskaraz egingo ulertzen duten guztiekin, baina euskara dakitenek niri uneoro euskaraz hitz egitea nahi dut; eta horixe eskatzen diet modu esplizituan.
![](https://blogger.googleusercontent.com/img/b/R29vZ2xl/AVvXsEj2d31uixZCOc-0z0HaZdFttXI0rye13v8VLId8nBU-COAO19sFlNN4NYkPjdhmBUPG-A7fnm4I0rJ3xctbNx1m_GrdG14i_Oe39MwpEhH9YKidI8z5KNtxWra5A-DfH4DSNiwqqYiF3lg/w373-h248/images.png)
ENTITATEETAN: ARIGUNEAK
Euskaraz lasai aritzeko guneak dira, bertako kide guztiek euskara ulertu eta denek edo gehien-gehienek ariketa taldean egitea erabaki baitute. Entitatearen funtzionamenduan dagoeneko eratuta dauden taldeak edo espazioak dira, eta hizkuntza-praktikak euskarara aldatzea edo finkatzea dute helburu.
![](https://blogger.googleusercontent.com/img/b/R29vZ2xl/AVvXsEhY3wM3geH7i161QATBCbtPf6bPZrRZgQItpiV5mAZHg8osHXtBRErC0x0W4U51KRGcKGV2MaJng2e8F9H7WIylzu7yDFev9KvLPbT7LoitAiVsek0d5U3XkgEmwPydKu1oYmLq_YKTDqg/s320/Arigunea-1.png)
Bi motatakoak izan daitezke:
Barne-ariguneak: ohiko funtzionamendurako taldeak dira (sailak, zerbitzuak, kirol-taldeak, lan-taldeak, asanbladak…), bertako kide guztiek euskara ulertzeaz gain, kideen % 80 gutxienez ahobizi edo belarriprest modura ariketan parte hartzeko prest badago.
Kanpo-ariguneak: entitatean herritarrekiko harreman-espazioetan dauden pertsonek osatzen dute kanpo-arigunea, uneoro belarriprest edo ahobizi bat egongo dela bermatzen bada; hau da, herritarrek uneoro euskaraz artatuak izateko bermea badute. Horrelako espazioak izango dira jendaurreko edo harrera postuak, supermerkatuetako kutxak, telefono bidezko arreten arduradunak, tabernariak edo dendariak, besteak beste.
https://euskaraldia.eus/
iruzkinik ez:
Argitaratu iruzkina